1977-ci ildə NASA-nın Voyager 1 kosmik gəmisi ilə birlikdə kosmosa göndərilən Voyager Qızıl Plastinkası, Yer sivilizasiyasının kosmosdakı mümkün varlıqlara təqdim etdiyi unikal bir mesajdır. Bu plastinka bəşəriyyətin mədəniyyəti, səsləri, musiqisi və salamlamaları ilə dolu bir "vaxt kapsulu" kimi hazırlanıb.
Voyager Qızıl Plastinkasında Nələr Var?
Voyager Qızıl Plastinkası amerikalı astronom Karl Saqanın rəhbərliyi ilə tərtib edilib. Onun içərisində:
116 şəkil – Yer kürəsinin və insan həyatının müxtəlif aspektlərini əks etdirən fotolar;
55 dildə salamlar – "Salam!" və oxşar ifadələrlə bəşəriyyətin səsini təqdim edən qeydlər;
27 musiqi əsəri – Klassik və xalq musiqilərindən ibarət kolleksiya;
Rəsmi mesajlar – BMT baş katibi Kurt Valdhaym və ABŞ prezidenti Cimmi Karterin nitqləri.
Azərbaycan Musiqisi Kosmosda
Bu unikal musiqi kolleksiyasında Azərbaycanın milli musiqisi də yer alır! Balaban ustası Kamil Cəlilovun ifasında "Muğam" kompozisiyası, dünya mədəni irsinin bir parçası kimi kosmosun dərinliklərinə göndərilib.
Plastiknanın Unikal Dizaynı
.webp)
Plastinka qızılla örtülmüş mis materialdan hazırlanıb və alüminium qutuda yerləşdirilib. Onun üzəri tam saflaşdırılmış uran-238 izotopu ilə örtülüb. Maraqlıdır ki, bu izotopun yarımparçalanma dövrü 4.51 milyard ildir! Bu isə o deməkdir ki, gələcəkdə bu plastinkanı tapan hər hansı ağıllı varlıq onun yaşını müəyyən edə biləcək.
Voyager 1-in Gələcək Səfəri
Voyager 1 hal-hazırda günəş sistemindən çıxaraq ulduzlararası məkana doğru hərəkət edir. Hesablamalara görə, 40.000 il sonra 17.6 işıq ili uzaqlıqda yerləşən AC+79 3888 ulduzuna çatacaq. Bəlkə də, bir gün yadplanetlilər bu plastinkanı tapıb bizim haqqımızda məlumat əldə edəcəklər!